Un particular recorre a eliminación de Juan Carlos I do rueiro de Pontevedra

O pleno pontevedrés reuniarese novamente para rexeitar a petición.

Por E.P. | PONTEVEDRA | 07/04/2021 | Actualizada ás 13:31

Comparte esta noticia

O pleno do Concello de Pontevedra foi convocada de maneira extraordinaria para o vindeiro luns para abordar o recurso presentado por un particular no que esixe a revogación do acordo por que o que se retirou do rueiro da cidade o nome do rei emérito Juan Carlos I.

No pleno do pasado 15 de febreiro a corporación municipal, cos votos favorables de BNG e PSdeG e o rexeitamento do PPdeG e do concelleiro non adscrito, aprobada a eliminación do nome do monarca "nun acto de xustiza, decencia e hixiene democrática", polo que a avenida co nome do Borbón pasaba a levar o de Virxinia Pereira Renda.

Entón a concelleira de Cultura, Carme Fouces, afirmou que era "un día histórico que quedará gravado no relato da cidade", despois de saír adiante unha proposta que foi xustificada polo comportamento de Juan Carlos I, que "avergoña ata aos monárquicos decentes", e ás informacións que apuntan "ao cobro de comisións" de "dubidosa procedencia" que, ademais, "ocultaba en Suíza para esconder ao fisco do seu propio reino", polo que concluía que o rei emérito "non é merecedor da honra que supón ter unha rúa en Pontevedra", engadiu.

Esta decisión do plenario foi recorrida por un cidadán particular que esixe a revogación do acordo. O alcalde de Pontevedra, Miguel Anxo Fernández Lores, explicou este mércores que o prazo para resolver este asunto acaba o día 15 de abril e "inevitablemente para rexeitar esa petición é necesario facer un acordo plenario porque foi no pleno onde se aprobou ese cambio de nome da rúa". O pleno ordinario celebrarase o día 19 deste mes.

Juan Carlos I
Juan Carlos I | Fonte: CHANCE - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta