Os mozos prefiren emprender antes que ser funcionarios
O espírito emprendedor mantense entre os mozos galegos a pesar da pandemia, segun Young Business Talents. os mozos galegos móstranse preocupados polo futuro do emprego e do mercado laboral.
Por Europa Press / Redacción | SANTIAGO DE COMPOSTELA | 07/04/2021 | Actualizada ás 13:54
Os mozos galegos manteñen o espírito emprendedor a pesar da pandemia. O VII Informe Young Business Talents revela que o 50,2 por cento que aqueles que tiñan pensado emprender nun futuro asegura que a situación actual non lles fixo atrasar os seus plans.
O estudo, levado a cabo por Abanca, ESIC, Herbalife Nutrition e Praxe MMT, analiza este ámbito a partir das actitudes e tendencias dos mozos preuniversitarios. Segundo os datos extraídos, o 24,6% dos mozos galegos quere montar o seu propia cando terminen os seus estudos, fronte un 17,2 que opta por ser funcionarios ou uns 15% empregados nunha empresa.
Estes datos van en liña cos resultados a nivel estatal, onde o 27% dos estudantes españois quere emprender por encima de ser funcionarios (19,9%) ou asalariados nunha compañía (13,8%). Aínda que a tendencia creceu nos últimos anos, o 92% dos mozos de Galicia considera que é moi difícil alcanzar o éxito nas empresas que se están creando na actualidade.
Entre os motivos polos que se lanzarían a montar a súa propia compañía destacan poder enfocarse ao 100% no que lles gusta (43%) e ser o seu propio xefe e máis libres (40,6%).
PESIMISTAS
No entanto, os mozos galegos móstranse preocupados polo futuro do emprego e do mercado laboral e o 44,8% considera que a situación será peor ou moito peor no próximos cinco anos para este sector da poboación.
O último ano aumentou o número de estudantes que considera que a situación será peor. A nivel nacional, o 43,3% dos mozos cre que a situación laboral será peor nun futuro, dato que contrasta cos resultados do ano anterior (34%).
"O último ano espertou as inseguridades e medos dos máis novos. A crise sanitaria polo coronavirus disparou a preocupación que mostran polo seu futuro laboral. Aínda que en anos anteriores víase un aumento na esperanza pola súa situación laboral, este último ano deu un cambio radical e a consecuencia é un aumento do pesimismo entre os máis novos", afirma Mario Martínez, director do Informe Young Business Talents.
FACTORES
Os factores que os galegos consideran máis importantes para atopar emprego son o interese e as ganas de traballar (43,1%), ter un bo nivel de idiomas (42,8%) e a experiencia (41,6%). En canto ás condicións que máis valoran á hora de entrar a traballar nalgunha empresa, as principais son a estabilidade (30,2%) e que traten ben aos traballadores (29,2%).
