Gonzalo Caballero reclama "un sistema de vacinación áxil que permita que cada vacina sexa administrada con eficacia"
Neste sentido, comprometeu o traballo dos socialistas galegos en "conseguir as mellores políticas públicas" para "camiñar cara a unha inmunidade máis global de aquí ao verán".
- Sanidade desconvoca máis de 1.400 galegos menores de 60 que ían recibir a AstraZeneca
- A Covid mantense estable en Galicia: descenden os contaxios a 132 e baixan as hospitalizacións
Por Europa Press / Redacción | SANTIAGO DE COMPOSTELA | 08/04/2021 | Actualizada ás 15:08
O secretario xeral do PSdeG, Gonzalo Caballero, reiterou este xoves a súa oferta de "man tendida" ao presidente da Xunta, Alberto Núñez Feijóo, para reforzar o sistema de vacinación de face á chegada masiva de dose nas próximas semanas.
"Necesitamos que se administren con celeridade, evitando escenarios de colapsos e de colas como se están dando en distintas cidades galegas", afirmou o xefe de filas do PSdeG nunha visita a Carballo.
Gonzalo Caballero urxiu un acordo para ter "un sistema de vacinación áxil e eficiente que permita que cada vacina sexa administrada con eficacia no tempo máis curto posible".
Neste sentido, comprometeu o traballo dos socialistas galegos en "conseguir as mellores políticas públicas fronte á crise sanitaria, económica e social", para "camiñar cara a unha inmunidade máis global de aquí ao verán".
