Un incendio afecta un almacén dunha fábrica de mobles en Teo
O lume quedou sufocado na madrugada deste domingo.
Por E.P. | SANTIAGO DE COMPOSTELA | 11/04/2021 | Actualizada ás 10:51
Un incendio afectou a un almacén dunha fábrica de mobles no que se almacenaban serrín e madeira en Teo, aínda que non deixou danos persoais. Segundo detallou o 112 Galicia, os feitos tiveron lugar sobre as 23,45 horas deste sábado, cando o vixiante unha fábrica de mobles situada en Cacheiras, en Teo, alertou de que se orixinou un incendio no almacén.
Pola súa banda, o persoal do Centro Integrado de Atención ás Emerxencias (CIAE) 112 Galicia trasladou o ocorrido aos bombeiros de Ordes e Santiago, o Grupo de Emerxencias Supramunicipal (GES) da Estrada, a Garda Civil, o Servizo Municipal de Protección Civil e Urxencias Sanitarias de Galicia-061.
Posteriormente, os efectivos traballaron na extinción do lume e, tal e como trasladaron os bombeiros de Ordes ao 112 Galicia, o incendio quedou sufocado ao redor das 1,15 horas da madrugada deste domingo.
