A Confederación de Sindicatos Médicos de Galicia defende unha Atención Primaria "de calidade e reforzada"

A Delegación da Confederación Estatal de Sindicatos Médicos en Galicia (CESM) destacou este luns que subscribe o manifesto redactado polo Foro da Profesión Médica, do que forma parte, en defensa dunha Atención Primaria "de calidade e reforzada".

Nun comunicado, lembra que este documento, con motivo deste 12 de abril Día da Atención Primaria, "este ano máis que ningún outro desde o Foro de médicos de AP" aplauden "o labor realizado por todos" os compañeiros médicos de familia, pediatras de AP e resto de profesionais da AP en todo o Sistema Nacional de Saúde.

"Desde o inicio da pandemia por Covid e que continúan a día de hoxe completamente envorcados na xestión da mesma desde o lugar que lles corresponde: o eixo do sistema sanitario e o nivel asistencial de referencia para a persoa que precisan de atención médica, tanto na atención de patoloxía Covid; como no seguimento de pacientes crónicos e a abordaxe de problemas agudos de saúde individuais e comunitarios".

"Se algo quedou patente durante todo este tempo é a capacidade de adaptación e o traballo en equipo que é capaz de desenvolver a Atención Primaria do noso SNS, a pesar dos escasos recursos humanos, estruturais e de autogestión cos que conta e cuxa mellora vén reivindicando historicamente", indica.

Por iso, por parte do Foro de Médicos de Atención Primaria, en representación de todos os médicos deste nivel, considera que "este é o momento culmen e definitivo para que a Administración invista, desenvolver e potencie ao máximo, este diamante en bruto que a pesar de todo e grazas a un enorme sobreesfuerzo dos seus profesionais foi capaz de lidar unha pandemia no século XXI coas ferramentas do século XX". "Elevemos a Atención Primaria ao lugar que se merece! A Atención Primaria cóidate. Protéxea!", conclúe.

CAMPAÑA

Pola súa banda, a Coordenadora Galega da Marcha Mundial das Mulleres lanza este Día da Atención Primaria unha campaña que quere facer chegar a todos os centros sanitarios do país "para reclamar á Xunta a atención presencial".

"Estamos fartas de recortes sanitarios que atentan contra a nosa saúde e a falta de atención supón negarnos a prevención e o dereito ao coidado integral da nosa saúde", subliña a Coordenadora nun comunicado de prensa.

No marco desta campaña, a entidade apunta que o goberno da Xunta "en mans de Feijóo aproveita a crise sanitaria e económica derivada da Covid-19 para recortar dereitos". Por iso, anima todas as persoas e colectivos do país que queiran apoiar esta campaña a colaborar na súa difusión "para mostrar en toda Galicia" que están "mobilizadas contra os recortes de dereitos".