Por E.P. | SANTIAGO DE COMPOSTELA | 13/04/2021 | Actualizada ás 11:44
Os viaxeiros transportados por autobús urbano descenderon un 50,3% en febreiro en Galicia en relación co mesmo mes do ano anterior, ata situar o total en 2.597.000 persoas, segundo os datos que publica este martes o Instituto Nacional de Estatística (INE).
No que vai de ano, isto é, no acumulado de xaneiro e febreiro, a diminución de usuarios deste modelo de transporte público é moi similar, do 49%. No conxunto estatal, mentres, o número de viaxeiros que optou por viaxar en avión para desprazarse polo interior do país esborrallouse un 77,1% o pasado mes de febreiro respecto ao mesmo mes de 2020.
En total, só 680.000 viaxeiros usaron o avión en febreiro para os seus desprazamentos, mentres que os viaxeiros que utilizaron o AVE sumaron 405.000 usuarios, un 76,8% menos que en igual mes de 2020.
Segundo a estatística de transporte de viaxeiros do INE, que reflicte o impacto da pandemia no uso dos distintos medios de transporte, o número de usuarios do transporte público baixou en febreiro un 47,5% en taxa anual, ata os 228,1 millóns de pasaxeiros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.