Por E.P. | Santiago de Compostela | 16/04/2021 | Actualizada ás 14:10
O Sindicato Labrego Galego (SLG) pediu á Consellería do Medio Rural manter as axudas para paliar o impacto da covid-19 no agro e máis participación das organizacións agrarias no Plan de Desenvolvemento Rural (PDR) de Galicia.
Sinala que o pasado 14 de abril tivo lugar a reunión do comité de seguimento do citado plan e que nela se propuxo unha modificación do mesmo, en concreto a prórroga para o período 2021-2022 e a incorporación dos fondos do Instrumento de Recuperación da UE ao PDR.
O SLG apoia o mantemento ou ampliación de fondos "para medidas e submedidas que son básicas para os distintos sectores (incorporacións, axudas zonas de montaña e outras zonas con limitacións específicas, plans de mellora) e coa nova convocatoria tanto para as axudas agroambientais como para as axudas de conversión e mantemento da agricultura ecolóxica".
Con todo, engade que as mesmas deberían convocarse xa este ano "xa que hai granxas que levan anos esperando por esta convocatoria e para elas sería moi importante aproveitar xa este exercicio".
Por outra banda, solicita que se manteñan as axudas excepcionais temporais para paliar as consecuencias da covid-19 e advirte que a situación está a ser "mala" ou "moi mala" en determinados sectores.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.