Colaboración entre Deputación da Coruña e Concello de Ferrol para o mantemento da casa de acollida de mulleres
Segundo o organismo provincial, vólvese este ano a triplicar o investimento neste servizo de atención social a un colectivo especialmente vulnerable cunha achega superior aos 100.000 euros.
Por E.P. | SANTIAGO DE COMPOSTELA | 16/04/2021 | Actualizada ás 17:44
A Deputación da Coruña destina este ano 100.891,64 euros para o mantemento da casa de acollida a vítimas de violencia de xénero do Concello de Ferrol.
Con iso, segundo o organismo provincial, vólvese este ano a triplicar o investimento neste servizo de atención social a un colectivo especialmente vulnerable, ao que viña destinando uns 33.000 euros ata 2019 e que desde o ano pasado supera os 100.000 euros.
O presidente do ente provincial, Valentín González Formoso e, o alcalde de Ferrol, Ángel Mato, asinaron este venres na sede provincial o acordo a través do que a Deputación achega o 26,43% do orzamento anual de mantemento deste centro que dá atención ás vítimas desde 1986.
