Galicia non comunica falecidos con covid por segunda xornada consecutiva
Entre setembro e marzo houbo falecidos diariamente.
Por Europa Press / Redacción | SANTIAGO DE COMPOSTELA | 16/04/2021 | Actualizada ás 20:55
A Consellería de Sanidade non notificou este venres ningún novo falecemento vinculado coa covid-19 en Galicia. Deste xeito, acumula dúas xornadas consecutivas sen comunicar óbitos.
Entre finais de setembro e finais de marzo comunicáronse falecidos de forma diaria. Desde entón anótanse sete xornadas sen comunicación de falecidos.
A segunda metade do mes de xaneiro e o inicio de febreiro foron os momentos nos que máis mortes se rexistraron na terceira onda, coincidindo co pico tras as festas de Nadal. Naquela etapa, notificáronse en varias ocasións máis dunha trintena de vítimas mortais diarias. A cifra máxima comunicouse o 1 de febreiro, con 40 falecidos --aínda que correspondentes a varios días--.
