Por E.P. | MADRID | 19/04/2021 | Actualizada ás 20:11
O director do Centro de Coordinación de Alertas e Emerxencias Sanitarias (CCAES), Fernando Simón, lembrou este luns que o final do estado de alarma non implicaría acabar coas restricións de mobilidade "moito máis locais" e "perimetrais a pequena escala" que se "poidan manter".
"Que acabe ou non alarma, non é o mesmo que acaben ou non as restricións de mobilidade. Son cousas diferentes", defendeu Simón na rolda de prensa de seguimento do coronavirus desde o Ministerio de Sanidade, na que dixo que o final deste réxime excepcional non significa que acaben as restricións de mobilidade "moito máis locais ou perimetrais a pequena escala".
"Hai moitísimas medidas que se poden aplicar en territorios que non sexan de ámbito comunitario ou nacional. Que ninguén confunda o fin do estado de alarma co fin das medidas de prevención da transmisión. Non ten nada que ver. Non cometamos erros do pasado", insistiu Simón.
Neste contexto, lembrou que ata o 9 de maio, data na que finaliza o actual estado de alarma, "a situación non ten nada que ver coa hoxe e hai un mes". Así, pediu esperar a corroborar a evolución da situación do Covid uns días antes para facer "estimacións". "A intención é non renovalo. Outra cousa é que non estean previstas todas as opcións", sinalou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.