Por Europa Press / Redacción | SANTIAGO DE COMPOSTELA | 21/04/2021 | Actualizada ás 20:54
O ministro de Cultura e Deporte, José Manuel Rodríguez Uribes, reivindicou o papel da danza en España, con motivo da súa presenza no acto conmemorativo do 30 aniversario do Conservatorio de Danza da Deputación coruñesa.
Uribes desprazouse ata A Coruña para participar na presentación do ciclo 'Mar en Danza' co que a Deputación provincial conmemora este trixésimo aniversario do conservatorio dependente da institución provincial e que traerá á cidade algunhas das principais figuras da danza nacional e internacional.
En declaracións aos xornalistas, o ministro remarcou o "potencial enorme" da danza en España e subliñou tamén a traxectoria do Conservatorio de Danza da Coruña. Por outra banda, destacou iniciativas do Ministerio de Cultura como a próxima creación do Centro Nacional de Difusión da Danza, "orzado e definido", engadiu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.