A TVG estrea o seu polémico culebrón "O Faro" este luns

O nacemento da serie, realizada por varias produtoras privadas do país para a FORTA, está envolto en liortas lingüísticas, políticas e laborais. O SXG denuncia o aumento da contratación a empresarios mentres se reduce a carga de traballo dos asalariados públicos.

Por Galicia Confidencial | Santiago | 11/10/2013 | Actualizada ás 10:17

Comparte esta noticia

A Televisión de Galicia (TVG) comezará a emitir a serie "O Faro" nos seráns das tardes a partir do luns. Trátase dunha produción privada (Agallas Films, Cinemar, Zenit TV e Pórtico de Comunicaciones) encargadas polas cadeas públicas autonómicas. A emisora do país aporta a metade do diñeiro e a outra metade os seus socios na FORTA e Canal Extremadura. 

Actores protagonistas da serie el Faro, unha produción de FORTA na que participa a TVG
Actores protagonistas da serie el Faro, unha produción de FORTA na que participa a TVG | Fonte: cafelascandelas facebook

O plató de "O Faro" en Milladoiro recibe este venres aos medios especializados. O equivo leva varios meses traballando a fume de carozo para ter listos as primeiras entregas dos 120 capítulos previstos na primeira temporada. 

Malia boa noticia que supón para o sector a creación de postos de traballo e o investimento doutras autonomías, as condicións laborais foron motivo de polémica. A Coordinadora de Profesionais do Audiovisual Galego denunciou a contratación de persoal por debaixo do convenio do sector.

Isto sucede mentres na TVG os traballadores se mobilizan contra o aumento da contratación externa de producións como faro. Os asalariados da empresa pública concentranse todos os luns convocados polo Comité de Empresa preocupados pola privatización encuberta da CRTVG. Onte o Sindicato de Xornalistas de Galicia alertaba nun comunicado da "brusca caída da produción propia da TVG e o actual abuso de subcontratas e contratación de persoal externo".

"O Faro" tamén desatou as críticas do PSdeG no Parlamento. Ademais do aspecto laboral, os socialistas criticaron que o guión non recolla ningunha das peculariedades da cultura galega. A parlamentaria socialista Concepción Burgo dixo que “non se pon en dúbida a necesidade de buscar novas formas de colaboración e financiamento, e hai que valorar a busca de novas oportunidades para a industria audiovisual galega, pero iso non implica conculcar os dereitos dos traballadores nin pode ser escusa para que a CRTVG non defenda a nosa propia cultura”.

Por último A Mesa pola Normalización cargou contra a CRTVG por financiar unha serie que non se esta a filmar en galego, senón en español. Para a súa emisión na emisora pública galega, os diálogos son dobrados posteriormente. 

Comparte esta noticia
¿Gustache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

3 filladeartista

falan os que non saben, porque e unha coproducción con actores galegos e de fora de galicia, cada un grava no seu idioma, uns en galego e outros en castelán (os que non saben galego) que son os posteriormente dobrados

2 anoxado

Telegaita financiando series en castelán... O que hai que ver.

1 Doraem

Sobre todo porque no es cierto. http://www.elconfidencial.com/ultim...

1 Fanrol

Daquela xa sabemos: señor@s da televisión, deixen de encargar traballo ao audiovisual galego e déanllo ás moreas de empregad@s que se nos fiamos deste conto andan ociosos polos corredores da TVG... O que hai que oír