Miñones: "o caso da concesión de Ence terano que decidir os xulgados"

O delegado do Goberno en Galicia, José Miñones, incidiu este xoves en que serán os tribunais os que resolvan sobre a concesión de ENCE na ría de Pontevedra, unha "particularidade" que desvinculou da lei de cambio climático que se está tramitando.

En resposta aos medios sobre a aprobación desta lei polo Pleno do Senado, cunha emenda sobre o polémico artigo 18.4 (relativo ás concesións en dominio público), o delegado do Goberno lembrou que, xa hai uns días, a propia ministra Teresa Ribeira "trasladou o que era unha realidade, que esta lei non ía implicar ningún cambio sobre o carácter retroactivo das concesións".

Con todo, engadiu, "existe o caso concreto de ENCE, que terán que ser os xulgados, neste caso a Audiencia Nacional, os que resolvan". "A partir de aí actuarase para saber se é unha prórroga de maior ou menor tempo", puntualizou, en relación á futura sentenza que deberá determinar se é legal a prórroga da concesión ata 2073.

José Miñones recalcou, no entanto, que a lei de cambio climático "non ten nada que ver con esas particularidades" e, por tanto, "segue adiante" coa tramitación no Senado. "E seguirase escoitando a todos os colectivos, como así se ha ido facendo", engadiu.

Un traballador de ENCE Pontevedra cun casco de traballo e acompañado de transportistas de madeira acode a unha sentada organizada na Coruña diante da Delegación do Goberno para esixir garantías de emprego, na Coruña, (Galicia), a 5 de marzo de 202. M. Dylan - Europa Press