A fin de semana remata cun total de 42 accidentes nas estradas galegas

A provincia de Pontevedra foi a máis castigada.

Por E.P. | SANTIAGO DE COMPOSTELA | 03/05/2021 | Actualizada ás 12:43

Comparte esta noticia

Urxencias Sanitarias de Galicia-061 atendeu 53 persoas debido a 42 accidentes de tráfico rexistrados durante o pasado fin de semana en Galicia. O sábado foi a xornada con máis sinistros, cun total de 18. Segundo informou o 061, a Central de Coordinación recibiu 62 chamadas en relación con accidentes entre as 15,00 horas do venres 30 de abril e as 23,59 horas do domingo 2 de maio.

Os recursos sanitarios mobilizados polo 061 ascenderon a 48. En concreto, as ambulancias realizaron 46 saídas e os equipos sanitarios de Atención Primaria prestaron asistencia en dous accidentes. En 50 casos os feridos foron levados aos centros sanitarios correspondentes e en tres ocasiones recibiron atención no lugar do accidente sen necesitar traslado.

A proporción de homes atendida ascendeu ao 57 por cento e a de mulleres reduciuse ao 43%. En canto ás idades dos feridos, o 36 por cento dos asistidos tiña entre os 20 e 34 anos.

Por provincias, a de Pontevedra, con 18 sinistros, foi a que rexistrou máis accidentes de tráfico durante os desprazamentos do fin de semana; seguida da Coruña, con 11; Lugo, con sete; e Ourense, con seis.

Ambulancia do 061. 061-GALICIA - Arquivo
Ambulancia do 061. 061-GALICIA - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta