Por Galicia Confidencial | SANTIAGO DE COMPOSTELA | 05/05/2021 | Actualizada ás 11:22
A noite electoral madrileña deixa un escenario cambiado que, lonxe de quedar na capital do Estado, podería rematar afectando á totalidade do taboleiro estatal. Cando menos ese era o desexo que se traducía nos ollos de Pablo Casado no momento de saír ao balcón de Génova 13 agarrado á trunfante Isabel Díaz Ayuso. Cheguen ou non as ondas das eleccións madrileñas ao panorama estatal, a noite deixa outra nova que será histórica e para moitos segue aínda sen dixerir: a marcha de Pablo Iglesias.
O anuncio do abandono do ata hai pouco vicepresidente terceiro chegaba a escasos minutos da medianoite e creaba, á súa vez, unha onda expansiva de reaccións políticas que, por suposto, tamén chegou a Galicia. Entre as máis comentadas da noite sobresaíu un polémico chío do Partido Popular de Galicia no que se referían nestes termos á marcha de Iglesias.
Silencio atronador de los diputados de @Podemos_Galicia tras el anuncio de @PabloIglesias de abandonar la política. A falta de su valoración, ahí va la nuestra: tanta gloria lleves como paz dejas.
— PP de Galicia (@ppdegalicia) May 4, 2021
A intervención, lonxe de quedar nunha cuestión actual, trouxo cola ante as moitas respostas de rexeitamento recibidas polo PPdeG e ante as cales os populares de Galicia non dubidaron en responder. Así o fixeron ante o reproche da deputada no Congreso polo PSdeG Pilar Cancela.
Nos alegra mucho que discrepemos con usted en lo que es y no es altura política. Un saludo.
— PP de Galicia (@ppdegalicia) May 4, 2021
Máis afables foron as despedidas de dous dos ex alcaldes que, nos primeiros anos de Podemos, conseguiron chegar ao poder dalgunhas das principais cidades de Galicia ao abeiro dun movemento que remataría por se esborrallar nos comicios seguintes.
Apertas irmandiñas e azos dende Galiza a @PabloIglesias, pola dignidade amosada e as coincidencias, que sempre foron moitas máis que as diferenzas durante estes últimos 10 anos.
— Martiño Noriega (@martinhonoriega) May 4, 2021
Hoxe é de xustiza agradecer a @PabloIglesias ter aberto camiño e ter posto o corpo todos estes anos. Moita sorte na nova etapa. E descansa. Ben o mereces.
— Xulio Ferreiro (@XulioFerreiro) May 5, 2021
FEIJÓO CELEBRA "TRUNFO INAPELABLE"
Menos se mollou o Presidente da Xunta, Alberto Núñez Feijóo, que se limitou a felicitar a Díaz Ayuso pola victoria en ton institucional pero asumindo polémico discurso empregado pola Presidenta en funcións da Comunidade.
Los madrileños han votado en masa por la libertad y, sobre todo, por la estabilidad de su Gobierno, esa que solo puede ofrecer el Partido Popular.
— Alberto Núñez Feijóo (@FeijooGalicia) May 4, 2021
Enhorabuena, @IdiazAyuso. Como todos en estos duros meses, ha sufrido. Pero lo afrontó con fortaleza y por eso gana a lo grande pic.twitter.com/GODRy7fLHS
Na mesma xornada, presidente da Xunta recoñeceu que, tras os resultados en Madrid, Isabel Díaz Ayuso "converteuse nunha das presidentas autonómicas máis importantes de España". Ao seu modo de ver, o seu "triunfo inapelable" non só deu ao líder do PP, Pablo Casado, unha das súas "mellores" noites electorais --xunto con Galicia--, senón que é "un anticipo" do que esperan os españois.
De feito, Feijóo, quen evitou pronunciarse sobre as 'dúas almas' que poden representar no PP as súas políticas e as de Ayuso, trasladou que mantivo unha conversación a pasada noite co seu xefe de filas. "Imaxínome e así o falamos onte pola noite, que xa está a pensar en como ten que seguir e avanzar para que o que ocorreu en Madrid ocorra en España cando (Pedro) Sánchez chame ás urnas", sentenciou, en declaracións aos medios en Lugo.
"Creo que o Goberno central ten que tomar nota porque as súas políticas foron derrotadas nas urnas, e foron derrotadas con tanta contundencia que non valen explicacións, nin desculpas", dixo o dirixente galego. "Ten que tomar nota e non pode seguir xestionando con tanta soberbia, ten que falar máis coas comunidades autónomas, non se pode xestionar de forma sectaria un país", engadiu.
BNG E PSDEG
Da banda da oposición, as reacción viñeiron da voceira nacional do BNG, Ana Pontón, que censurou a victoria da dereita "trumpista" e máis ultra. O Secretario Xeral do PSdeG, Gonzalo Caballero, garda silencio polo momento, así como a súa formación.
Preocupantes resultados:gaña a dereita trumpista e máis ultra. O centralismo madrileño, que tanto dano lle fai a Galiza, robustécese. Cada día máis evidente que Madrid non é a solución, é parte do problema.
— Ana Pontón (@anaponton) May 4, 2021
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.