Por E.P. | SANTIAGO DE COMPOSTELA | 05/05/2021 | Actualizada ás 14:06
O reitor da Universidade da Coruña (UDC), Xullo Abalde, asegurou que o título de grao e de máster interuniversitario en Intelixencia Artificial que se impartirá no tres universidades galegas a partir do curso 2022-2023 supón unha aposta "a nivel de país".
Así o manifestou, a preguntas dos xornalistas, coincidindo coa reunión que mantivo, no reitorado coruñés, co delegado do Goberno en Galicia, José Miñones. Desta iniciativa, en virtude dun acordo subscrito tamén coa Xunta, dixo que supón "pór por encima dos intereses particulares os do país". "É unha boa noticia para Galicia", dixo Abalde, para quen implica tamén reforzar o proxecto da Cidade do TIC impulsado pola institución académica na Coruña.
En canto ás especialidades que desenvolverá cada centro das tres universidades onde se imparta, explicou que é unha cuestión a concretar, pero que se repartirá "en función das especialidades e capacidade de cada universidade".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.