Unha nova morte eleva a 2.392 as persoas falecidas en Galicia a causa da COVID

A Consellería de Sanidade notificou este mércores unha nova vítima mortal con coronavirus. Deste xeito, Galicia rexistra un total de 2.392 mortes con covid desde o inicio da pandemia.

En concreto, trátase dunha muller de 93 anos, que faleceu o pasado 3 de maio no seu domicilio do municipio das Pontes.

Esta persoa presentaba patoloxías previas, segundo os datos facilitado polo Goberno galego.

Dispositivo de cribado masivo para detectar casos asintomáticos de coronavirus / M. Dylan - Europa Press. / Europa Press