Por Sue Rainbow | Santiago de Compostela | 29/10/2013 | Actualizada ás 08:00
De onde sae o nome do voso grupo?
Estábamos no cine vendo todos xuntos a peli de Guy Richie sobre Sherlock Holmes e gustounos tanto que pensamos en chamarnos Los Wattsons, foi a suxerencia dun colega e amigo Edu Evia , para que xogaramos coa fonética dos fillos do wattio, sen perder a esencia de Conan Doyle.
Hai un líder?
Jacobo, elemental.
Cando rematades os concertos, que se leva a moza máis guapa do local?
Fran, elemental.
Algunha anécdota do novo videoclip?
As bromas e púas sobre os pés (cando vexades o vídeo de Irene Adler o entenderedes).
Compoñedes os temas estando tristes ou preferides a estabilidade emocional?
A verdade é que iso, aínda que sexa un tópico, non se cumpre na nosa banda. Nos creamos ficcións por riba doutra ficcións, baseamos as nosas cancións, polo xeral, en libros e pelis, polo que máis que a nosa situación sentimental ou emocional, inflúenos o grado de alucine que teñamos có ultimo libro ou película que remataramos de ver ou ler.
O próximo álbum para cando?
En breves sairá “Escándalo en Bohemia”, non podemos precisar aínda unha data de saída (secreto de sumario) pero para este outono/inverno xa estará a venda, para deleitarvos, ou iso agardamos.
Tal e como está o panorama, tedes a gran sorte de poder dicir que os dedicades en exclusiva a música?
Xusto o contrario, temos a gran sorte de ter traballos que nos permiten adicarnos a música
Que consellos daríalles aos músicos que están empezando?
Tocar, tocar, tocar e tocar e divertirse .
Que tipo de inversión tivechedes que facer para chegar a onde estades?
Tempo, cartos, e moito alcool.
Preocúpavos a vosa imaxen e dádelles máis importancia a hora de ires a dar un concerto?
A verdade que moito, sempre tentamos de pensar que o que imos transmitir e cómo queremos que nos vexan dende fóra, somos moi narcisistas.
Diríades que sodes show-mans o máis ben tipo cantautores?
Show-mans totais!! Queremos que a xente se integre nos nosos concertos, non que estea parada mirando.
Contádenos por último sobre as vosas influencias, ¿que escoitades para inspirarvos?
Todos medramos escoitando aos clásicos dos 60 e 70, os nosos país puñannos na casa discos dos Beatles, Rolling, Cream e a Creedence, por poñer un exemplo. Tamén collemos trazos do grunge e incluso do punk e agro-rock dos 90, aínda que sobre todo o que máis nos influíu para os temas de “Escándalo en Bohemia” foron os grupos máis cercanos e os que máis tempo escoitamos nos últimos 5 anos, Sidonie, Kasabian, Columpio Asesino, Black Keys, Second, os primeiros Strokes, Niños Mutantes, Mando Diao, Aston Martins, The Killers e porque non, La Doble Fila.
Foto por http://www.suerainbow.com/
Agradementos: https://www.facebook.com/hotelnhobradoiro
Los Wattsons
https://www.facebook.com/loswattsons
https://twitter.com/loswattsons
Contratación: management@drstudios.es - 981273915
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.