Por E.P. | Santiago de Compostela | 12/05/2021 | Actualizada ás 18:51
O presidente da Xunta, Alberto Núñez Feijóo, asegurou este mércores que se alegra "moito" de que o seu "amigo" o alcalde de Pontevedra, o nacionalista Miguel Anxo Fernández Lores, "regularice a situación da casa unifamiliar na que vive despois dun cuarto de século".
Así o trasladou tras ser preguntado en relación á información avanzada por ABC de que o rexedor non solicitara licenza de primeira ocupación da vivenda na que reside desde 1998.
"Como calquera cidadán, paréceme sorprendente que a primeira autoridade urbanística dun concello leve 25 anos nunha situación impropia dun veciño e máis do máximo responsable de urbanismo dese concello", esgrimiu, na rolda de prensa posterior á reunión semanal do seu Executivo.
Así, antes de recalcar que lle alegra "moito" que "regularice" esta situación, subliñou que non querería escoitar o que pediría o partido do rexedor pontevedrés, o BNG, se o que estivese nunha situación similar fose un alcalde do PP. "Pero imaxínomo", apostilou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.