Por Europa Press / Redacción | SANTIAGO DE COMPOSTELA | 14/05/2021 | Actualizada ás 13:13
Os galegos que contan coa pauta vacunal contra a covid-19 completa sitúanse no total de 517.313 nunha xornada na que o Servigo Galego de Saúde (Sergas) alcanzou as 1.563.994 doses administradas, o que representa o 95,07% das doses recibidas.
Segundo os datos actualizados este venres no 'Cronómetro de vacinación' ofrecido pola Consellería de Sanidade, os galegos xa inmunizados son o 21,89% da poboación a vacinar. Nas últimas 24 horas, completaron a súa vacinación outras 3.088 persoas. Ademais, ata a data administráronse no conxunto de Galicia 1.563.994 dose --30.569 máis que a xornada anterior-- das 1.645.165 recibidas --25.500 máis no último día--, o 95,07%.
En canto aos grupos de poboación, por condición de vulnerabilidade recibiron polo menos unha dose 12.809 persoas de alto risco --84 máis que hai un día-- e 3.181 teñen xa a pauta completa --1.785 máis--. Mentres, das persoas dependentes non institucionalizadas recibiron polo menos unha dose 16.861 --37 máis-- e completaron a pauta un total de 14.726 --163 máis fronte ao día anterior--.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.