Por E.P. | A Coruña | 14/05/2021 | Actualizada ás 18:30
O Concello da Coruña anunciou a prórroga das medidas extraordinarias de flexibilización para a instalación de terrazas do sector hostaleiro "co fin de axudar a este colectivo a paliar a crise derivada da pandemia".
Esta semana asinouse unha nova instrución para a instalación de terrazas no espazo público durante a situación de emerxencia sanitaria. "Manteranse, por tanto, as medidas adoptadas polo goberno local para que o sector poida cumprir coa normativa sanitaria que garanta a distancia interpersoal e que permita que os negocios de hostalaría desenvolver a súa actividade de cara ao período estival".
Ademais, esta instrución inclúe unha novidade con respecto ás anteriores ditadas polo goberno local. "En concreto, todos aqueles negocios de hostalaría que dispoñan na súa fachada dunha beirarrúa de máis de 2,5 metros de ancho poderán optar pola colocación da súa terraza ou ben na propia beirarrúa ou ben nas prazas de estacionamento que coincidan coa fronte do local", explica.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.