Sting actuará en Vigo o 6 de agosto de 2022, trala suspensión da súa xira pola pandemia

Caballero di que será "o máis importante concerto na historia do Auditorio de Castrelos".

Por Europa Press / Redacción | Vigo | 14/05/2021 | Actualizada ás 19:49

Comparte esta noticia

O alcalde de Vigo, Abel Caballero, confirmou este venres que o concerto de Sting, dentro da súa xira 'My Songs', e que estaba previsto para o verán do ano pasado, celebrarase finalmente no Auditorio de Castrelos o 6 de agosto do próximo ano 2022.

Nunha rolda de prensa, o rexedor olívico explicou que, ademais de suspender a súa xira en 2020, tamén se pospuxo a de 2021, por motivos sanitarios, de maneira que a actuación quedou fixada para o verán do ano próximo, no que será "o máis importante concerto na historia do Auditorio de Castrelos".

Ademais, Caballero lembrou que o concerto será gratuíto e non haberá que pagar, salvo se quérese "reservar" un sitio na zona interior do recinto, a máis próxima ao escenario. "Pero pagar 7 euros non é pagar un concerto. Se tivésemos que cobrar entrada, seguramente serían 100 euros", apuntou.

Por outra banda, cuestionado acerca de se, neste verán de 2021, haberá concertos ao aire libre en Castrelos, o alcalde sinalou que "todo dependerá da situación sanitaria", polo que optou por "non confimar nin descartar nada".

Cartel do concerto de Sting suspendido en 2020 pola pandemia
Cartel do concerto de Sting suspendido en 2020 pola pandemia | Fonte: Concello de Vigo.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta