O Día das Letras Galegas deixa un millonario en Poio
Acertou a Bonolote e levará máis de 2,4 millóns de euros.
Por Europa Press / Redacción | MADRID | 18/05/2021 | Actualizada ás 10:10
O dono dun boleto de 'A Bonoloto' validado na localidade de Poio percibirá máis de 2,3 millóns de euros ao ser o único acertante de Primeira Categoría no sorteo celebrado este luns, segundo informou Lotarías e Apostas do Estado.
O boleto gañador foi validado no Despacho Receptor Número 87.010 de Poio (Pontevedra), situado na Avenida da Praia, 32 (Lourido). O seu propietario cobrará, en total, 2.402.264,16 euros.
A combinación gañadora do sorteo da Bonoloto celebrado este luns, 17 de maio, estivo formada polos números 3, 4, 6, 11, 12 e 32. O complementario foi o 28 e o reintegro, o 8. A recadación ascendeu a 2.788.968,00 euros.
De Segunda Categoría (cinco acertos máis complementario) existen dous boletos acertantes que foron validados na Administración de Lotarías Número 15 de Huelva e no Número 1 de Oropesa (Toledo).
