Convocadas concentracións en toda Galicia contra a "limpeza étnica" de Israel

O enfrontamento vivido estes días entre Palestina e Israel volve ter os seus ecos en Galicia. Días despois das primeiras e illadas concentracións en defensa do pobo palestino, o observatorio Esculca vén de convocar un total de 26 concentracións “contra o apartheid, a limpeza étnica e o xenocidio” espalladas polas sete cidades galegas e 19 vilas do país.

Manifestación en Vigo a prol do pobo de Palestina, en 2014

As concentracións quedan marcada para as 20:00 horas do martes 18 de maio. Segundo explican dende o observatorio, tratarse de mobilizacións “de repudio á violenta agresión que exerce Israel contra a  Palestina e de apoio ás reivindicacións do seu pobo”. O obxectivo pasa por reclamar ao goberno central e a Unión Europea “medidas firmes” para poñer fin “de inmediato” ás políticas coas que o estado israelí “pretende se apropiar de todo o territorio da Palestina”.