A USC ofrecerá un servizo gratuíto de Atención Psicolóxica para os estudantes
A Unidade de Atención Psicolóxica da USC encádrase no marco de actuacións dirixidas a paliar os efectos da pandemia
Por Galicia Confidencial | SANTIAGO DE COMPOSTELA | 18/05/2021 | Actualizada ás 20:30
A Universidade de Santiago de Compostela pon en marcha este martes un servizo gratuíto de atención psicolóxica ao alumnado. Ten como obxectivo axudar á comunidade estudiantil que estea a sufrir problemas psicolóxicos ou se atope nunha situación de risco que se vise incrementada pola pandemia da Covid-19. Con isto, a USC quere mostrar a súa preopación polo benestar de todos os estudantes.
A Unidade de Atención Psicolóxica pon á disposición do alumnado un correo electrónico, atencionpsicoloxica@usc.es.gal, a través do cal se canalizarán as consultas, nesta primeira fase de xeito telemático. As demandas plantexadas polo alumando serán atendidas por dúas psicólgas xerais sanitarias. As sesións faranse a través de viochamadas, motivado isto pola situación sanitaria actual e para facilitar o contacto con alumnos, para que non se vexan obrigados a desprazarse, especialmente en época de exames.
A profesora do Departamento de Psicoloxía Clínica e Psicobioloxía, Ana López Durán, é a coordinadira do servizo, que depende do Responsable Covid da USC. Con esta unidade pretenden ofrecer unha ferramenta de apoio para superar os problemas psicolóxicos que se poden dar durante o período universitario, tendo en conta como a pandemia puido incrementar diferentes problemáticas.
Dende a coordinación do servizo sinalan que se trata dun servizo moi demandado polos estudantes e que no seu primeiro día de funcionamento xa se recibiron numerosos correos solicitando información.
López Durán afirma que o obxectivo é "traballar a prol do benestar psicolóxico do alumnado da USC coa fin de ofrecerlle todos os recursos necesarios para que poida afrontar con apoio as esixencias académicas e persoais". Ademais, a profesora apunta a importancia do benestar psicolóxico dos estudantes, que se atopan "nunha etapa vital das súas vidas" na que hai moitos cambios.
Ademais, dende este servizo tamén se organizarán talleres e actividades que axuden na aprendizaxe de estratexias axeitadas para facer fronte aos problemas manifestados pola comunidade estudiantil.
