A Xunta reclama a propietarios de montes que limpen os seus terreos próximos a vivendas antes do 31 de maio
Aquel propietario que o 31 de maio non realizase a roza, recibirá unha carta do seu municipio na que se lle informa que se non fai a limpeza, encargarase de forma subsidiaria á empresa pública Seaga para, posteriormente, cargarlles os custos.
Por E.P. | SANTIAGO DE COMPOSTELA | 18/05/2021 | Actualizada ás 15:59
O conselleiro de Medio Rural, José González, fixo un chamamento aos propietarios a que limpen os terreos forestais próximos a vivendas antes do 31 de maio.
Así, remarcou que, unha vez chegue o 31 de maio, segundo figura na lei de prevención de incendios, a responsabilidade subsidiaria corresponde aos concellos.
Aquel propietario que o 31 de maio non realizase a roza, recibirá unha carta do seu municipio na que se lle informa que se non fai a limpeza, encargarase de forma subsidiaria á empresa pública Seaga para, posteriormente, cargarlles os custos.
O conselleiro, acompañado polo director xeral de Defensa do Monte, Manuel Rodríguez, comprobou este martes como funciona a aplicación Xesbío na parroquia compostelá de Figueiras.
O Goberno galego proporciona aos municipios o programa Xesbío, que serve para que xestionen toda a tramitación administrativa da limpeza de franxas e poidan comunicarse cos donos das leiras incluids nesas franxas.
Esa aplicación ferramenta facilítase no marco do convenio de protección de aldeas --asinado entre Xunta, Fegamp e Seaga--, ao que están adheridos 269 municipios. Deles, 232 xa aprobaron os seus respectivos plans municipais de prevención de incendios.
González referiuse a os donos de terreos en parroquias priorizadas --157 parroquias en 81 municipios-- para animalos a incorporarse ao convenio coa firma do correspondentes contrato de xestión da biomasa. Deste xeito, a Xunta farase cargo da limpeza de parcelas, mentres que os propietarios só terán que pagar 35 euros por cada 1.000 metros cadrados, é dicir, 350 euros por hectárea.
