Galicia mantén a raia a pandemia malia o incremento continuado de contaxios
A cifra máis preocupante atópase na taxa de positividade, que sobe ao 3'5%, aínda dentro dos límites marcados pola OMS.
Por Europa Press / Redacción | Santiago de Compostela | 19/05/2021 | Actualizada ás 11:06
Galicia chega ao ecuador desta semana cun lixeiro aumento dos novos contaxios de Covid-19 a 128 --doce máis que a xornada anterior-- e un alivio na presión hospitalaria cun descenso a 162 dos ingresados --14 menos--, mentres que os casos activos reducíronse a 2.744.
Segundo os datos actualizados na mañá deste mércores pola Consellería de Sanidade con rexistros ata as 18,00 horas deste martes, aínda que aumentaron a 38 os pacientes Covid en UCI en Galicia --un máis-- reducíronse a 124 os que permanecen noutras unidades --15 menos--. Por áreas sanitarias a presión hospitalaria redúcese en seis das sete, xa que unicamente se incrementa lixeiramente na de Lugo, onde hai un paciente en UCI --un menos-- e nove noutras unidades --dous máis--.
Mentres, na área da Coruña e Cee seguen nove pacientes en UCI e baixan a 31 os que se atopan noutras unidades --catro menos-- e na de Ourense aumentan a tres os críticos --dous máis-- e descenden a 10 os doutras unidades --tres menos--. Pola súa banda, na de Vigo aínda que soben a 11 os pacientes Covid en UCI --un máis-- redúcense a 33 os doutras unidades --sete menos--; e na de Santiago e Barbanza aumentan a cinco os ingresados en críticos --un máis-- e caen a 19 os doutras unidades --dous menos--.
Na área de Pontevedra e O Salnés descenden a sete os pacientes Covid en UCI --dous menos-- e mantéñense 20 noutras unidades de hospitalización; mentres que na de Ferrol seguen dúas en críticos e baixan a dous os doutras unidades --un menos--.
MENOS CASOS ACTIVOS
Os casos activos de Covid volveron descender tras o lixeiro incremento da xornada anterior despois de cinco consecutivas en descenso e sitúanse en 2.744, que implican 61 menos, ao haber máis altas (185) que contaxios (128), aos que se engaden catro falecementos.
Por áreas sanitarias as infeccións activas deste coronavirus redúcense en seis: Vigo (-26), Pontevedra e O Salnés (-21), Lugo (-10), A Coruña e Cee (-7), Ferrol (-3) e Ourense (-2), mentres que aumentan na de Santiago e Barbanza (+8). Así, a de Vigo mantense á cabeza con 817 casos activos; seguida da da Coruña e Cee, con 598; Santiago e Barbanza, con 443; Pontevedra e O Salnés, con 412; Ourense, con 221; Lugo, con 169; e na cola continúa a de Ferrol, con 84.
MÁIS CONTAXIOS
En canto aos novos contaxios de Covid-19 incrementáronse de novo ata os 128 en Galicia, tras iniciar esta semana con 107 e rexistrar 116 este martes, o que supón unha ducia de infeccións máis. Do total, 108 foron positivos confirmados por PCR nas últimas 24 horas --tres máis que a xornada anterior-- dos que 29 corresponden á área da Coruña e Cee; 28, á de Santiago e Barbanza; 19, á de Vigo; 11, á de Lugo; 10, á de Ourense; nove á de Pontevedra e O Salnés; e dous á de Ferrol.
As PCR realizadas en Galicia desde o inicio da pandemia aumentaron a 2.184.240, que supoñen 4.584 probas máis que as rexistradas ata a xornada anterior --menos dun milleiro que as realizadas o día pasado--.
Pola súa banda, a taxa de positividade --porcentaxe de infeccións por test PCR realizados-- repuntou a un 3,4 por cento no conxunto da Comunidade galega, tras manterse por baixo do 2% desde o inicio da semana. No entanto, continúa por baixo do 5% que a Organización Mundial da Saúde (OMS) fixa para dar por controlada a pandemia. A última vez que Galicia excedeu esta barreira foi o 15 de febreiro.
