Temas: LAZA SISMOS

A área de Laza segue a rexistrar movementos sísmicos: 20 en menos de 24 horas

A actividade sísmica de baixa intensidade continúa afectando o sur da provincia de Ourense, en concreto á área de Laza, que, en menos de 24 horas, rexistrou outros 20 tremores, o máis importante de magnitude 3,2.

Por Europa Press / Redacción | OURENSE | 19/05/2021 | Actualizada ás 11:05

Comparte esta noticia

A actividade sísmica de baixa intensidade continúa afectando o sur da provincia de Ourense, en concreto á área de Laza, que, en menos de 24 horas, rexistrou outros 20 tremores, o máis importante de magnitude 3,2.

Segundo os datos de Instituto Xeográfico Nacional, desde o mediodía deste martes ata a mañá do mércores producíronse na área 20 movementos sísmicos, 17 deles en Laza: un en Sarreaus e dous en Vilar de Barrio.

As intensidades destes últimos tremores oscilaron entre a magnitude 1,5 e os 3,2 graos. O de maior intensidade rexistrouse en Laza ás 23,03 horas da noite deste martes e chegou a sentirse noutros municipios, como Verín ou Cualedro.

O sur de Ourense non deixou de tremer nos últimos días, nos que a área de Laza rexistrou decenas de pequenos tremores, 51 desde o pasado xoves, cando se rexistrou o primeiro movemento, de 2,8 graos, en Laza.

Os máis fortes tiveron lugar na noite do venres e pouco antes das 17,00 horas do sábado, tamén en Laza, con magnitude 3,4, e deixáronse sentir en varios puntos do sur da provincia ourensá.

Tremores rexistrados na área de Laza desde o pasado xoves.. INSTITUTO XEOGRÁFICO NACIONAL
Tremores rexistrados na área de Laza desde o pasado xoves.. INSTITUTO XEOGRÁFICO NACIONAL | Fonte: Europa Press

Temas: LAZA SISMOS
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta