Por Galicia Confidencial | SANTIAGO DE COMPOSTELA | 21/05/2021 | Actualizada ás 13:16
A falta de planificación éolica e dun plan industrial asociado ao desenvolvemento eólico produciu unha forte rexeitación e contestación social por parte da poboación galega. Así o puxo de manifesto o responsable do Observatorio Eólico de Galicia, Xavier Simón, nunha mesa redonda celebrada o pasado xoves e organizada por ADEGA sobre os impactos dos proxectos eólicos na socioeconomía galega, no rural e nas comunidades de montes veciñais en man común.
Con todo Simón reivindica que podemos "ver a enerxía eólica como unha oportunidade real para transformar as comunidades rurais". Margarita Camba, membro de Bierzo Aire Limpo, recalcou a necesidade dun cambio cara un modelo na que os pobos poidan xestionar os seus recursos de xeito democrático. Tamén comentou algúns dos impactos dos eólicos, entre os que destacou o socioeconómico, ao verse desprazda a gandería, agricultura, apicultura etc.
Por último, o presidente da Organzación Galega de Comunidades de Montes Veciñais, Xosé Alfredo Pereira, recordou que a maior parte dos parques xa instalados en Galicia están en montes comunais e que "deben xerar emprego e riqueza dentro da economía social e comunitaria". Destaca que o principal problema dos eólicos é como se instalaron.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.