Un cribado con case un milleiro de convocados en Moraña sáldase con dous positivos

As probas realizáronse a veciños de 15 a 29 anos e de 40 a 49 anos.

Por E.P. | PONTEVEDRA | 24/05/2021 | Actualizada ás 09:55

Comparte esta noticia

O cribado poboacional realizado o pasado xoves e venres con case un milleiro de persoas convocadas no municipio pontevedrés de Moraña saldouse con dous positivos por Covid-19.

Así o informou a área Sanitaria de Pontevedra e O Salnés, que indicou que dos 996 convocados de 15 a 29 anos e de 40 a 49 anos participaron 573 persoas nas probas PCR, das que se obtiveron dous positivos.

Iso supón, puntualizaron as mesmas fontes sanitarias, un 57,53 por cento de participación neste cribado poboacional e un 0,35 por cento de positividade.

As probas levaron a cabo na tarde dos pasados xoves e venres, 20 e 21 de maio, mediante PCR con veciños de 15 a 29 anos e de 40 a 49 anos.

Pola súa banda, nas probas realizadas con PCR noutro cribado no CEIP Santa Lucía desta mesma localidade pontevedresa non se detectaron positivos. Dos 417 convocados participaron 398 persoas.

Dispositivo de cribado masivo
Dispositivo de cribado masivo | Fonte: Europa Press.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta