Suspendida a folga indefinida dos traballadores do servizo de mantemento de Inditex

Os traballadores de Veolia, que fan o servizo de mantemento de Inditex, acordaron suspender temporalmente o paro e as mobilizacións tras chegar a un preacordo coa empresa sobre as principais demandas sociais, segundo informa a CIG.

En concreto, refírese a a recolocación do compañeiro despedido e o recoñecemento do dereito á subrogación do persoal de Veolia destinado aos centros de Inditex.

Tras 19 días en folga, a central nacionalista avisa que aínda está en fase de negociación a aplicación do plus de centro de traballo, así como diversos aspectos do convenio colectivo que se abordarán nunha reunión prevista para a semana que vén.

Concentración de delegados da CIG e de traballadores de Inditex. CIG