Por E.P. | A Coruña | 28/05/2021 | Actualizada ás 19:43
A alcaldesa da Coruña, Inés Rey, apelou a avanzar con "diálogo e serenidade" na definición do futuro do porto coruñés, mentres avanza unha nova reunión da comisión interministerial en xuño.
"Hai catro meses o porto tiña un grave problema coa súa débeda e non existía tren a Langosteira, hoxe grazas ao diálogo temos unha folla de ruta clara", defende.
A rexedora considera que o debate sobre o futuro do porto debe afrontarse "con firmeza pero desde a tranquilidade". Ademais, insiste en que o Concello da Coruña "seguirá defendendo en todas as mesas de traballo a posición aprobada nos acordos plenarios referendados por unanimidade", entre eles a titularidade pública dos terreos.
Por outra banda, sostén que na próxima reunión da comisión interadministrativa que se celebrará a mediados de xuño corresponde "deseñar un protocolo de reordenación do espazo portuario interior e sentar as bases do futuro da fachada marítima".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.