Propoñen colocar cámaras individuais aos cazadores para "vixiar infraccións"

A Asociación Animalista Libera! propuxo a implantación de cámaras individuais para os cazadores que participen en calquera acción autorizada nos montes galegos co obxectivo de "analizar as imaxes en busca de infraccións" e "mellorar a seguridade no Medio Natural, tanto para os participantes como para calquera persoa que transite pola zona". E é que, segundo o seu punto de vista, "moitas irregularidades non teñen a preceptiva sanción".

Nun comunicado, defende que este modelo de videovixilancia imitaría os sistemas pechados de gravación que están instalados en todos os matadoiros de Reino Unido e Israel e que, ademais, vaise colocar nas instalacións españolas --seguindo o modelo de control de 'Hunt Monitor', presente en Inglaterra --, despois da aprobación dun Decreto do Ministerio de Consumo.

A proposta permitiría detectar delitos como portar armas cargadas en zonas prohibidas, o acceso a espazos declarados como "non cinexéticos" ou a investigación de accidentes, entre outros. Libera! aclarou tamén que as imaxes quedarían baixo custodia da Xunta durante un período de tempo determinado, "a mínima marxe temporal posible" a fin de que haxa "un cumprimento estrito das diferentes normas sobre protección de datos de carácter persoal".

Así mesmo, desde a asociación denuncian que a Lei de Caza de 2013 segue sen o "preceptivo regulamento" para desenvolver algúns dos seus aspectos, de forma que consente que "menores de 16 anos poidan disparar unha arma" e que "con calquera idade, acompañen ou sexan espectadores de actos de violencia explícita cara aos animais".

Cazador nun camiño público. ANGEL SANCHEZ C. - Arquivo