Máis de trinta concellos recibirán o apoio da Deputación da Coruña na contratación de persoal de museos
"Con esta convocatoria queremos colaborar cos concellos na xestión máis profesional de centros culturais como museos ou centros de interpretacións que son, en moitas ocasións, verdadeiros focos de atención cultural e recursos turísticos de especial relevancia", explica o deputado de Cultura, Xurxo Couto.
Por E.P. | A CORUÑA | 01/06/2021 | Actualizada ás 17:33
Un total de 32 concellos beneficiaranse da liña de axudas da área de Cultura da Deputación da Coruña para a contratación de persoal técnico de museos e centros de interpretación.
A liña conta cun orzamento de 382.929 euros co que se realizarán 38 contratos xa que seis dos concellos presentaron dúas solicitudes para distintos centros do municipio, segundo informa o organismo provincial.
"Con esta convocatoria queremos colaborar cos concellos na xestión máis profesional de centros culturais como museos ou centros de interpretacións que son, en moitas ocasións, verdadeiros focos de atención cultural e recursos turísticos de especial relevancia", explica o deputado de Cultura, Xurxo Couto.
Por outra banda, o centro Europe Direct da Deputación da Coruña organiza a oitava edición do concurso de fotografía 'Cidadáns europeos en Galicia', que este ano se convoca baixo a lema 'Miradas cara ao futuro de Europa'.
OUTRAS ACTUACIÓNS
Noutra orde de cousas, a área de Vías e Obras da Deputación da Coruña financiará a construción dunha nova senda peonil na estrada DP-4001, no concello de Zas.
Mentres, a Deputación da Coruña ultima esta semana os últimos traballos de pavimentación da avenida Principal de Curtis, que supuxeron un investimento de 93.800 euros.
