Inma López Silva e Ana Romaní gañan os Premios da Crítica 2020 en narrativa e poesía en lingua galega
Foron galardoadas por "O libro da filla" e "A desvértebra", respectivamente.
Por Europa Press / Redacción | Compostela | 05/06/2021 | Actualizada ás 15:06
As escritoras Inma López Silva e Ana Romaní foron galardoadas este sábado cos Premios da Crítica 2020, entregados pola Asociación Española de Críticos Literarios. As autoras levaron os premios nas categorías de narrativa --'O libro da filla' de Inma López Silva-- e poesía --'A desvértebra' de Ana Romaní--.
Pola súa banda, os galardóns para autores en lingua castelá foron parar a Arturo Pérez-Reverte e Ramón Andrés pola novela 'Línea de Fuego' e por 'Los árboles que nos quedan', respectivamente.
En lingua catalá, os premiados foron Albert Pijoan, por 'Tsunami'; e María Josep Escrivà, por 'Sempre és tard'. Por último, os premios en lingua vasca recaeron en Pello Lizarralde, por 'Argiantza'; e en Jon Gerediaga por 'Natura berriak'.
