Por E.P. | SANTIAGO DE COMPOSTELA | 10/06/2021 | Actualizada ás 11:46
A Consellería de Medio Rural mantén a orixe humana como posible causa do foco positivo por SARS-CoV-2 detectado nunha granxa de visóns americanos do concello coruñés de Carral, explotación que segue inmobilizada e sometida a vixilancia e control polos servizos veterinarios do departamento autonómico.
Así o ratificaron a Europa Press desde a Consellería que xa comunicou o mércores a situación desta granxa ao Ministerio de Agricultura, Pesca e Alimentación (MAPA). En aplicación dos protocolos vixentes de vixilancia desta enfermidade nas granxas de visón americano, tras as análises realizadas, confirmouse a existencia de circulación viral SARS-CoV-2 en en cinco mostras. No entanto, a enquisa epiodemiológica realizada non mostrou ningunha sintomatoloxía nos animais.
Desde a Consellería, reiteraron que, de acordo ao programa de prevención, vixilancia e control establecido, está a procederse a efectuar analíticas dos animais da granxa, "tomando mostras cada certo tempo para comprobar a evolución da enfermidade e determinar tanto a situación concreta da explotación como as actuacións a levar a cabo".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.