Pontón (BNG) e Rufián (ERC) abordarán nun coloquio os "dereitos, liberdades e democracia"

A portavoz nacional do BNG, Ana Pontón, e o portavoz parlamentario de Esquerra Republicana (ERC) no Congreso, Gabriel Rufián, compartirán o vindeiro domingo unha charla coloquio baixo o título 'Dereitos, liberdades, democracia'.

O encontro, moderado polo politólogo Silvio Falcón, e que terá lugar no Hotel Porta do Camiño ás 12,00 horas, prodúcese en pleno debate sobre os indultos aos políticos independentistas encarcerados polo 'procés'.

Ademais, esta cita producirase á vez que está prevista tamén a manifestación da Praza de Colón en Madrid, que reunirá a líderes do PP, Vox e Ciudadanos, Pablo Casado, Santiago Abascal e Inés Arrimadas, respectivamente.

Ana Pontón, no Consello Nacional do BNG de forma telemática | Fonte: BNG.