Por E.P. | SANTIAGO DE COMPOSTELA | 12/06/2021 | Actualizada ás 10:52
A sección segunda da Audiencia Provincia acollerá a próxima semana o xuízo contra un home acusado de abusar sexualmente dos seus dous sobriños, ambos os dous menores de idade. A Fiscalía solicita unha pena de doce anos de prisión e o proceso celebrarase o día 15, ás 10,00 horas.
O acusado, tío carnal de ambos, conviviu con eles na mesma unidade familiar desde curta idade. O home aproveitouse primeiro do maior dos seus sobriños, cando contaba con 11 anos de idade, a partir do ano 2009, practicándolle tocamentos mentres vían unha película. Esta situación repetiuse en reiteradas ocasións no domicilio familiar polo menos en 12 ocasións, ante a ameaza de dicirlle á súa avoa de que o cazou masturbándose no caso de que se negase a facelo.
Os feitos cesaron en 2011, cando o menor cumpriu os 13 anos e se negou a continuar con estas prácticas, momento en que o acusado desviou a súa atención á súa sobriña, que entón contaba con oito anos. Desde ese punto e ata que se presentou a denuncia que abriu o proceso, no ano 2018, o home realizou de novo tocamentos para satisfacer o seu instinto sexual, entre outras prácticas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.