O incendio de Folgoso do Courel supera as 70 hectáreas e segue fóra de control

A superficie afectada polo incendio rexistrado na madrugada deste sábado no municipio lucense de Folgoso do Courel afecta xa a unhas 70 hectáreas; mentres que o lume que afecta a unha hectárea do Parque Natural Baixa Limia Serra do Xurés foi controlado.

Diso informa a Consellería do Medio Rural, que detallou que o primeiro deste incendio rexistrouse ás 4,50 horas desta madrugada na parroquia de Folgoso do Courel e, segundo as últimas estimacións, ascende xa a 70 hectáreas. En concreto, o lume comezou as 4,50 horas da madrugada e ata o lugar desprazáronse para o seu control un técnico, seis axentes, 18 brigadas, oito motobombas, sete avións e dous helicópteros.

Pola súa banda, o incendio declarado na parroquia de Río Caldo, en Lobios, afecta a unha hectárea do Parque Natural Baixa Limia Serra do Xurés e xa foi controlado.

LUMES EXTINTOS

Ademais, fontes de Medio Rural informaron de que ás 22,43 horas do venres quedou extinguido o lume do Bolo, que afectou a 2,5 hectáreas, unha de superficie arboredo e 1,5 de monte raso.

Na mesma xornada, as autoridades informan que o incendio declarado nunha explotación avícola situada entre a parroquia de NiñodaAguia e o lugar de Pardeconde, no municipio ourensán de Xunqueira de Espadanedo, quedou extinguido.

Segundo informou o CIAE 112 Galicia, foi un particular quen informou o suceso sobre as 17,15 horas do venres, a partir do que se puxo en marcha un operativo no que interviñeron os Bombeiros do Polígono de San Cibrao das Viñas, o GES de Pereiro de Aguiar, as agrupacións de voluntarios de Protección Civil de Maceda e de Xunqueira de Espadanedo, os axentes da Garda Civil e persoal de incendios forestais, que achegaron unha motobomba.

Ademais, neste operativo prestaron colaboración cun camión cisterna os membros do Grupo de Apoio Loxístico da Axencia Galega de Emerxencias, para abastecer de auga aos equipos de emerxencia mobilizados. Os servizos de emerxencia xa concluíron os labores de extinción do lume que afectou á nave sen que se rexistrasen danos persoais e sen que ningún animal resultase afectado as chamas.