Por Galicia Confidencial | SANTIAGO DE COMPOSTELA | 16/06/2021 | Actualizada ás 12:24
A Unión Sindical Obreira, na súa delegación galega, vén de denunciar o traslado de dúas oficinas administrativas da Coruña que estarían a provocar "desesperación e colas" nos usuarios. De acordo coa formación sindical, o cambio de sede estaría a ter lugar con respecto a dúas administracións Tesourería Xeral da Seguridade Social, ambas situadas na cidade herculina,e que se terían trasladado a oficinas que "non reúnen as condicións necesarias para o desempeño do traballo", provocando asemade o "desprazamento dos ususarios" fóra da súa "área de referencia".
O sindicato destaca que rexeita o cambio de localización á rúa Fernando Macías, que "non reúne as condicións necesarias para a atención ao público", e "provoca colas de usuarios" no hall do edificio. A formación engade que as novas dependencias comparten entrada cos veciños do edificio, polo que as colas de usuarios que desexan ser atendidos supón un prexuízo para os residentes.
Ademais, a Tesourería da Seguridade Social viría de deixar de dar cita previa á cidadanía, que acode igualmente para que se lle poidan solucionar os seus trámites, cos inconvenientes que iso carrexa. A responsabilidade da información ao usuario recae na vixiante de seguridade, desempeñando labores que non lle corresponden, e o persoal, que ha de saír á entrada do edificio para poder axudalos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.