Falece Xaquín Álvarez Corbacho, o primeiro alcalde do Grove e destacado académico
CCOO lamenta o falecemento do "colaborador activo do sindicato e da súa fundación".
Por Galicia Confidencial | SANTIAGO DE COMPOSTELA | 23/06/2021 | Actualizada ás 14:02
Xaquín Álvarez Corbacho falece aos 79 anos. O seu compromiso coa loita pola democracia levouno a ser o primeiro alcalde democrático no Grove polo PCG dende o 1979 ao 1981. Nos anos 80 conseguiu a cátedra de docencia pública da USC. Foi vicerreitor de Asuntos Económicos e docente na Universidade da Coruña como catedrático de Economía. Ademais, foi designado membro do consello de Contas de Galicia.
O sindicato Nacional de CCOO de Galicia lamenta o falecemento de Xaquín Álvarez Corbacho, quen "sempre puxo desinteresadamente o seu coñecemento e prestixio académico a disposición do sindicato e da sociedade galega".
Dende a Fundación 10 de Marzo tamén destacan a colaboración do profesor con CCOO e a súa aportación en libros colecticos editados pola fundación. A Fundación 10 de Marzo e o Sindicato Nacional de CCOO destinguírono en 2013 cun dos Premios 10 de Marzo que entregan anualmente a persoas significativas na loita polas liberdades e en defensa da clase obreira.
