Conde reúnese cos alcaldes do PP de municipios pontevedreses afectados por proxectos eólicos
O vicepresidente económico da Xunta explica que os proxectos están abertos "a quen dispoña de capacidade legal, técnica e económica para participar".
Por Europa Press / Redacción | SANTIAGO DE COMPOSTELA | 23/06/2021 | Actualizada ás 18:40
O vicepresidente económico da Xunta, Francisco Conde, reuniuse con alcaldes e portavoces do PP cuxos territorios están afectados por proxectos de parques eólicos.
O encontro mantívoo este martes a través dunha convocatoria do PP da provincia de Pontevedra. Segundo destaca a formación, Conde explicou que o modelo da Xunta "avoga por favorecer un desenvolvemento ordenado do sector" e "aberto a quen dispoña de capacidade legal, técnica e económica para participar".
Isto, segundo indica o PP, "sempre que sexa compatible co resto de actividades económicas" e desde "o máximo consenso con todas as partes implicadas". "Tramitar os proxectos non é o mesmo que autorizalos", insistiu.
