Sen pistas sobre o home de 48 anos desaparecido en Silleda desde o pasado xoves
A Garda Civil continúa coas xestións e a procura para localizar a un home do que non se sabe nada desde entón.
Por Europa Press / Redacción | SANTIAGO DE COMPOSTELA | 29/06/2021 | Actualizada ás 10:34
A Garda Civil continúa coas xestións e a procura para localizar a un home de 48 anos de idade desaparecido desde o xoves pasado no municipio de Silleda.
Fontes do Instituto Armado explicaron a Europa Press que este martes seguen a procura deste home patrullas da zona, sen novidade ata a data.
Segundo o cartel de alerta que compartiu en redes sociais a asociación SOS Desaparecidos, o desaparecido é Carlos Alberto Ares, un home de 48 anos e veciño do lugar de Bandeira de complexión normal e con calvicie total.
O día da súa desaparición, o pasado xoves 24 de xuño, Carlos Alberto Ares vestía un vaqueiro azul, un polo verde e zapatillas deportivas escuras.
