Por Europa Press / Redacción | A CORUÑA | 29/06/2021 | Actualizada ás 20:54
-O presidente da Xunta, Alberto Núñez Feijóo, enxalzou a figura de Isaac Díaz Pardo como un elemento "chave para entender a Galicia dos últimos 100 anos". Fíxoo durante a presentación da exposición 'As miradas de Isaac', que poderá verse na Sede Afundación da Coruña ata o 28 de agosto despois da súa estancia na Cidade da Cultura, onde foi visitada por 26.000 persoas.
Feijóo estivo acompañado polo presidente de Abanca, Juan Carlos Escotet. Ambos visitaron a mostra itinerante, que o mandatario autonómico ve en liña coa personalidade polifacética do seu protagonista. "Apenas houbo espazos na intelectualidade, na arte, na industria cultural ou nos asuntos públicos sobre os que Isaac Díaz Pardo non dirixira as súas miradas", afirmou.
O presidente tamén lembrou a relación de Díaz Pardo coa cidade da Coruña, xa que foi alí onde se escondeu para fuxir da represión que terminou coa vida do seu pai, Camilo Díaz Baliño, así como o lugar onde impartiu clases de pintura e coñeceu á súa muller, Carmen Arias Castro.
Pola súa banda, Juan Carlos Escotet subliñou "o orgullo" de Afundación para acoller 'As miradas de Isaac' na súa sede da Coruña. "É un privilexio colaborar neste recordo, esta homenaxe a Díaz Pardo, un home cuxas leccións de vida, nos conciernen de maneira profunda, especialmente aos que temos a Galicia no centro da nosa comprensión dun mellor futuro", sentenciou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.