A maxistrada María Teresa Cortizas, nova delegada de igualdade do TSXG
O Altro Tribunal galego valorou a súa carreira en materia de enxuiciamiento con perspectiva de xénero e de dereito orgánico xudicial.
Por Europa Press / Redacción | SANTIAGO DE COMPOSTELA | 30/06/2021 | Actualizada ás 18:24
O Tribunal Superior de Xustiza de Galicia (TSXG) nomeou á maxistrada María Teresa Cortizas González-Criado como nova delegada de igualdade no ámbito do TSXG.
A decisión foi acordada polo pleno do Alto Tribunal galego, que valorou a experiencia e coñecementos "específicos" sobre a aplicación do principio de igualdade entre mulleres e homes. Nun comunicado, o TSXG tamén resalta o traballo de Cortizas ao longo da súa carreira en materia de enxuiciamiento con perspectiva de xénero e de dereito orgánico xudicial.
Cortizas, que terá como suplente á outra candidata, a xuíza decana de Pontevedra, Belén Rubido da Torre; estará encargada de "coordinar, promover e difundir" as actuacións non xurisdicionais para aplicar o II Plan de Igualdade da Carreira Xudicial, segundo explica o TSXG.
Desde 2014, Cortizas desenvolvía as funcións de delegada da Sala de Goberno do TSXG en materia de igualdade, conciliación persoal, familiar e laboral. Ademais, participou en mesas redondas e asistiu a cursos formativos e reunións da Comisión de Igualdade do Consello Xeral do Poder Xudicial (CGPJ).
