Colectivos vinculados á Ría de Arousa estudan denunciar á Xunta por "abandono" ambiental

A Plataforma en Defensa da Ría de Arousa acusa ao goberno galego de non exercer as súas competencias sobre a antiga mina de Touro, lugar desde onde chegan verteduras contaminantes á ría.

Por E.P. | PONTEVEDRA | 03/07/2021 | Actualizada ás 15:49

Comparte esta noticia

O presidente da Plataforma en Defensa da Ría de Arousa (PDRA), Xaquín Rubido, declarou que as asociacións ecolóxicas e marítimas da zona estudan denunciar á Xunta de Galicia por "abandono" dos seus funcionez en materia de protección ambiental da ría, á vez que mostraron o seu rexeitamento ao novo proxecto deseñado por Cobre San Rafael SL para tentar retomar actividade na mina de Touro.

A plataforma acusa á Administración autonómica de non velar polo cumprimento dos deberes ambientais relacionados coa antiga explotación, pechada en 1986 e que a empresa mineira tiña a obrigación de restaurar medioambientalmente a zona, algo que, segundo denuncian, "nunca chegou a producirse".

Rubido criticou que a empresa incumpriu a Lei de Minas de 1973 como o Real Decreto de 1982, ante a "inacción" do Goberno galego, posuidor das competencias en materia mineira.

Nun comunicado, a plataforma asegura que algúns dos impactos que a antiga mina deixou no municipio de Touro corresponden a ocos mineiros, balsas de estériles sen encapsular ou drenaxes acedas que verten continuamente á canle fluvial.

O seu presidente explicou que os "pasivos ambientais" afectan á ría de Arousa e a todos os sectores económicos que viven dela. Precisamente, a plataforma fixo unha declaración este sábado no Concello da Illa de Arousa, xunto coas confrarías de pescadores e algunhas asociacións ecolóxicas como Adega ou a Plataforma mina Touro-O Pino Non.

Nela mostraron a súa negativa aos plans de Atalaia Mining, multinacional asociada con Cobre San Rafael, de reabrir a mina de Touro-O Pino; despois de que en marzo deste ano a Xunta rexeitase a proposta inicial presentada pola empresa debido á falta de "sustentabilidade ambiental".

CONIVENCIA DA XUNTA

Xaquín Rubido incidiu en que a "inacción" do Executivo autonómico se exemplifica coas declaracións en sede parlamentar que fixo en xaneiro de 2020 o conselleiro de Economía, Francisco Conde.

Nelas, como lembrou, Conde manifestaba que a empresa mineira debía tramitar un plano de restauración "que salvagardase o estado ecolóxico" da zona.

A Plataforma en Defensa da Ría de Arousa critica que, tras un ano e medio, ese plan non foi concibido e a Xunta, sosteñen, non tomou ningún tipo de medida sancionadora.

"A ría de Arousa non é só importante polo seu valor ecolóxico", engadiu Rubido, que advirten do impacto conómico das empresas da ría dedicadas á pesca e ao turismo é "moito maior os beneficios que traerá consigo a reapertura da mina de Touro.

Os convocantes da rolda de prensa finalizaron a súa declaración coa petición de que a mina do municipio coruñés non siga os pasos das balsas que Atalaia Mining posúe en Huelva e que, como resaltaron, foron denunciadas "en repetidas ocasións" polo CSIC.

Plataforma Defensa da Ría de Arousa
Plataforma Defensa da Ría de Arousa

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta