A ANPA do Calo de Teo denuncia a supresión dun grupo de primaria, que dificultaría "a atención á diversidade"
Román Rodríguez sinala que este tipo de decisións son "puramente técnicas".
Por Europa Press / Redacción | SANTIAGO DE COMPOSTELA | 05/07/2021 | Actualizada ás 16:11
A Anpa A Rabadela, do colexio Calo de Teo, denunciou a supresión dunha das liñas do centro para o próximo curso por parte da Consellería de Cultura, Educación e Universidade, que achaca a decisión na reorganización de face o próximo curso.
En concreto trátase dun dos tres grupos de 17 alumnos de 4º de primaria que quedarían organizados en dúas de 25, "pondo ao límite de cociente e dificultando a atención á diversidade", sinalan, en alusión á porcentaxe de alumnos con necesidades especiais cos que conta o centro (preto dun 10%).
Respecto diso, o titular de Educación, Román Rodríguez, sinalou que este tipo de decisións non son "arbitrarias" senón que derivan de cuestións "puramente técnicas" e, en gran parte, de "axustes de matrícula".
En todo caso, engadiu, o cociente mantense "dentro dos marcos legais", para despois recoñecer que as familias "teñen todo o dereito do mundo para expor o que queiran".
