Feijóo "alegraríase" que volvan a Cataluña as empresas que marcharon pero "con seguridade xurídica"
"A fuga de empresas debeuse en gran parte á acción irresponsable do goberno independentista de Cataluña", asegura.
Por Galicia Confidencial | Compostela | 08/07/2021 | Actualizada ás 17:25
O presidente da Xunta, Alberto Núñez Feijóo, rexeitou este xoves que o Goberno "incentive a irresponsabilidade dos gobernos autonómicos co diñeiro de todos" os españois. Núñez Feijóo opinou deste xeito sobre unha información do diario ABC, que sostén que o Executivo de Pedro Sánchez ofrecería un plan de axudas para que volvan as empresas a Cataluña que cambiaron os seus domicilios fiscais e sociais a raíz do procés.
"A fuga de empresas debeuse en gran parte á acción irresponsable do goberno independentista de Cataluña de hai anos, coa convocatoria dun referendo ilegal unha declaración de independencia ilegal", afirmou o presidente galego.
"Lamentablemente -continuou- esas forzas (políticas) mantéñense" no Govern e son os "socios que dan estabilidade ao goberno socialista e populista" en Madrid.
Núñez Feijóo asegurou que se alegrará de que as empresas que saíron volvan a Cataluña, aínda que indicou que para iso sería necesario "seguridade xurídica, estabilidade institucional, bilingüismo cordial e repor a legalidade". EFE
