Os grandes concertos quedarán pendentes da evolución dos contaxios ata o último día
A Xunta condiciona concertos de máis de mil persoas á incidencia do propio día do evento.
Por Europa Press / Redacción | SANTIAGO DE COMPOSTELA | 08/07/2021 | Actualizada ás 22:22
Os espectáculos musicais ao aire libre con máis de mil persoas só poderanse celebrar nos concellos coa incidencia máis baixa, xa sexa con público de pé ou sentado. Á parte, o Goberno autonómico pon un novo condicionante, a incidencia acumulada enl propio día do evento.
Isto supón que no caso de que se dispare a incidencia acumulada, o aforamento do evento quedaría automaticamente limitado a que sexa de menos de mil persoas. Deste xeito, permite incluír unha condición sen que previamente téñase que reunir o comité clínico que asesora a Xunta para modificar a listaxe de concellos do semáforo de risco.
Concretamente, segundo figura no Diario Oficial de Galicia (DOG)-Bis publicado este 8 de xullo, e recolleito por Europa Press, o día dun concerto de máis de mil persoas a incidencia acumulada a 14 días non pode superar os 150 e a incidencia acumulada a sete días ten que estar por baixo de 75 caso spor cada 100.000 habitantes.
