Citadas 1.500 persoas de 16 a 35 anos a un cribado no Barco

A área Sanitaria de Ourense convocou para o vindeiro mércores, 14 de xullo, un cribado con 1.500 persoas de 16 a 35 anos convocadas no Barco de Valdeorras co fin de detectar casos de Covid-19 en persoas asintomáticas.

Segundo informou a área sanitaria ourensá, este cribado mediante test de antíxenos levarase a cabo no Pavillón de Calabagueiros entre as 15,30 e as 20,00 horas do mércores.

Os resultados daranse a coñecer aos participantes aos 15 minutos ao tratarse dun test de antíxenos e, posteriormente, recibirán un SMS que o acredita.

O Barco de Valdeorras conta a día de hoxe con 31 casos de Covid-19 detectados, dos 606 que rexistra a área sanitaria de Ourense.